إضغط هنا لتنتقل  

مقالات

رثاء الأديب والشاعر /سعود بن عبد الرحمن اليوسف

ياهل الادب واهل الشعر وين راعيه
اللي رثى جماعته بالقصايد

حقه علينا عقب ماراح نرثيه
سعود بن يوسف على كل نايد

اللي بنى دار التراث بمساعيه
جمع لها حتى زهت بالقلايد

من عقبها وشيقر تعلت مبانيه
اشعل فتيل اهل الهمم بالوقايد

اعاد للماضي شموخه وطاريه
بالهمه الهمه سهل كل كايد

الف وجمع للشعر وابتدع فيه
وثق لتاريخ البلد بالجرايد

حنا من الانصاف نذكر مساعيه
دون من التاريخ ارث وفرايد

ندعي عسى ربي بعفوه يجازيه
ويجعله بالفردوس يجني الفوايد

وحنا معلمنا من الشعر نبكيه
استاذنا في الشعر راعي العوايد

 

الشاعر/ أحمد المغيرة

مقالات ذات صلة

شاهد أيضاً
إغلاق
زر الذهاب إلى الأعلى