أحسن الله العزاء في (الدخيليه) … امنا قبل أم ربعي وخلاني
جعل مثواها بجنات عليّه … والمرض جعله اجر ياسليماني
ذكرها طيب وللجود ماريه … كفها مثل المطر دوم هتاني
مثلكم في البر ماشفت أنا زيه … واتمثل به مع أهلي والاخواني
حبها بقلوبكم بين(ن) ليه … شوف عيني في المحاجر والاعياني
موقف شفته تمثل بمرثيه … والمواقف أكبر أشكال وألواني
واسمع أكثر منه واطرب لطاريه … للرجال أهل الوفا الحب وداني
جعل قبرك للمطر يا(الدخيليه) … تزهر اطرافه ورود(ن) وريحاني
ورحمة المولى تحفه مع نحيه … كثر من صلو ومن جالها عاني
—————————————————————————-
أشيقر – يوم عرفه 1436 هــ
